Le vardian dla vigna

Na inrescida y na publicaziun dl Südtiroler Weinmuseum descrí le “saltner”, le vardian dla vigna.

Na publicaziun nöia. Le „saltner“ dl vin é na figöra documentada bele da cënc d’agn te Südtirol. Aldedaincö l‘ imaginunse inforní sö cun plömes y na pelicia dla olp, vistí cun na braia de curan y na alabarda tla man, sciöch’i le conesciun da manifestaziuns folocloristiches o da pilores da zacan.  

Mo ci se vistî pa davëi chësc vardian dla vigna dl Südtirol y êl veramënter tan unich coch’i minun? Co gnô pa le “saltner” odü dala jënt che viô te sü tëmps y ciügn ê pa sü compic? Co s’á pa mudé chisc fora por i secui? Cun na inrescida dl Südtiroler Weinmuseum dorada dui agn s’á n pice grup de etnologs y storics dé jö cun i fostüs materiai dl “saltner”, chirin do proes de chësc fenomen te tröc archifs dl Südtirol.  

Tl 2022 á spo le Südtiroler Weinmuseum publiché le liber „Le saltner. N vardian anter ofizial y figöra artistica“. Chiló pón ciafé n ressumé de chësta inrescida.  
Plü informaziuns sura le liber ciafëise sot a  https://www.weinmuseum.it/museum/publikationen/

bs