I ladins y si scola a Firenze pra la Fiera Didacta

Pra la majera Fiera spezialiseda per la didatica dla Talia 20-22.03 a Firenze fej nce pea la scola dla valedes ladines, cun doi seminares. Prejëntes nce Claudia Rubatscher, Edith Ploner y Olimpia Rasom

Dai 20 nchin ai 22 de merz iel a Firenze la majera Fiera spezialiseda per Didatica dla Talia. Nce la scola dla valedes ladines de Südtirol fajerà pea. Na ucajion per se prejenté a livel naziunel y per ti dé mpulsc a d’autra scoles n con‘ dl plurilinguism y dla rujenedes de mendranza. 

Chëst ann iel iló bën doi seminares dla Direzion de Furmazion Ladina. Un unirà menà dala ispetëura per plurilinguism Claudia Rubatscher y à l titul: "L plurilinguism tla spersa ladina de Südtirol – material didatich per l’alfabetisazion plurilinguela."

La Ntendënta Ladina Edith Ploner y la respunsabla per l Ufize de Evaluazion per l sistem furmatif ladin Olimpia Rasom mëina l auter seminar, dal titul: "L plurilinguism tla spersa ladina de Südtirol – i vares storics y l’articulazion dl sistem de scola tla doi valedes ladines. Resultac de nrescides scientifiches che ie unides fates nchinamò." dl 

L link per la Fiera Didacta Italia: Home - Didacta Italy Fair (indire.it) 

dl