Le flinch da nëi é tl prigo

Les morvies dla natüra

Inrescida sön i vicí da munt. I intervënc dla porsona y le mudamënt climatich spidicëia tres deplü le habitat dl flinch da nëi y agravëia i spostamënc y acopiamënc di tiers te deplü raiuns de reproduziun: chësc mostra na inrescida dl Naturmuseum Südtirol, sostignida dala Provinzia autonoma de Balsan-Südtirol. I resultac é gnüs publicá ti foliec spezialisá Molecular Ecology, Journal of Avian Biology y Journal of Biogeography. 

N stüde genetich cun partners internazionai de Südtirol, dl Trentin, dla Lombardia y de Oulu (Finlandia) desmostra che tröc tiers ne ti é nia plü da passé ia les destanzes danter i raiuns de reproduziun. Chësta limitaziun dla difujiun é bele da odëi sön destanzes danter 20 y 30 chilometri. Tröc flinć da nëi romagn tl raiun de reproduziun di geniturs y n’ó nia dër se sparpagné fora. Chësc limitëia le lian cun d’atri y insciö ince le barat genetich, gaujan tröc inzësć: le 20 porcënt di ejemplars studiá é generá da vicí imparentá, sciöche jormans o finamai parënc plü strënc. Chisc degrá de parentela alza le risch de mutaziuns genetiches rezessives y danoses, manacian dassënn les poscibilités da suravire.  

Por deplü informaziuns sön l’inrescida https://onlinelibrary.wiley.com/doi/10.1111/jbi.14787 

pk